தின்னும் தனிமை

ஒருநாள் கூட உன்னிடம்
சொன்னதில்லை  -

மெல்ல தின்னும்
எனது தனிமை

எனது நடுநிசியில் - உனது
அலைபேசிக்கு வரும்
அழைப்பு  - தெரிந்துக்கொள்
எனது தனிமை

தேவையில்லாமல்
நான் போடும்
சண்டை - தெரிந்துக்கொள்
எனது தனிமை

காணொளி அழைப்பில் - நீ
காணும் குருதி குறைந்த முகம்
சுருதி குறைந்த குரல்  - தெரிந்துக்கொள்
எனது தனிமை  

ஒவவொரு முறை
உணவில் நாட்டமில்லை
என சொல்லும்போதும் - தெரிந்துக்கொள்
எனது தனிமை  

ஆனால்
என் தனிமையை
உணரும் ஒவ்வொரு
முறையும் - சேர்ந்தே
உணர்கிறேன் - நீ
உரைக்கும் உன் தனிமையை...